【名家給力場】穩定幣發展已跟「初心」愈走愈遠？

【Now財經台】近期穩定幣(Stablecoin)成為投資市場新寵，早前，美國參議院通過咗涉及監管穩定幣嘅穩定幣法案《天才法案》(Genius Act)，建立美國首個聯邦層級嘅穩定幣監管框架，同一時間本港嘅《穩定幣條例》將會喺8月生效，點解各國及地區都紛紛立法監管穩定幣？

思博資本高級合夥人張宗永認為，當中嘅政治考慮多過經濟考慮，依家各國政府都想插旗，值得留意係，開始發展穩定幣時，係主張避開政府監管、去中介化嘅理念，但依家發行商、交易平台等，都慢慢被政府收編，同原來去中介化嘅理念已經有好大出入。