【專家分析】金軟重磅新Game《解限機》有力「救價」

【Now財經台】金山軟件(03888)重磅遊戲《解限機》昨日(2日)進行全球公測，不過，金軟股價今日(3日)一度大跌逾8%，低見33.8元。據遊戲平台Steam嘅數據顯示，《解限機》今日中午正式公測，開始約1個鐘，最高在線人數突破13萬人，市場用2月測試時，最高在線32萬人，甚至用同公司爆紅嘅《黑神話悟空》作比較，中信里昂認為，今日公測在線人數唔係太理想，甚至話市場有啲失望，暫時《解限機》喺Steam嘅好評率約64%，點睇個Game嘅前景？

信達國際研究部董事趙晞文表示，遊戲開發商普遍都會面對新Game剛推出時，成效及反應有落差嘅情況，即使開始時成績理想，未來會唔會繼續可以行落去，最終都要睇玩家探索後嘅「玩後感」。

佢又指，現時《解限機》評價好壞参半，相信公司會做微調，而隨著遊戲時長增加，體驗感亦會成正比咁上升，因此，即使《解限機》初期成績唔理想，但只要遊戲好評率喺短期內追返上嚟，佢相信，金軟股價下半年仍有望重拾升勢。