【環球金融快線】羅家聰:Netflix績後連日插水唔使驚

【Now財經台】Netflix喺周二(21日)美股收市後派咗第3季成績表，表現差過預期，雖然收入符預期，但純利、每股盈利都差過預期，拖累股價盤後重挫逾6%，股價昨晚(22日)仍未止瀉，一度重挫逾10%，市場反應係咪過大？

資深經濟分析師羅家聰指，由於大市未有明確方向，基金只向個別股份「開刀」，導致個別股份出完業績後股價向下。佢又指，Netfilx股價已跌到近期下跌通道底部，跌勢可能仍會持續多幾日，但估計之後幾日將會回升，投資者唔使太擔心，原因係Netfilx業務簡單，收入及開支穩定，所以業績唔會對股價有好大影響。