【專家分析】人仔近期強勢因為...

【Now財經台】四中全會今日(23日)閉幕，預期唔會有具體政策消息，亦唔會未經濟目標數字畀到市場，可能只係一啲大方向，但外界仍關注有冇政策扶持新經濟及舊經濟，上季經濟增長唔夠5%，係咪反映內地經濟需要更大支持力度？此外，人仔近期強勢，主要受咩因素帶動？

鴻鵠資產管理行政總裁陸庭龍指，市場憧憬呢啲會議會推出刺激經濟政策，都不外乎減息降準、提供補貼，相信呢啲資本會落喺政策主導嘅範疇，例如人工智能(AI)、科技及本土消費等，但房地產呢類比重會相對細咗。

人仔方面，Alan話近期轉強主要同中美關係有關，以往當國際形勢緊張時，內地資金會分散投資至海外，但暫時中美雙方仍僵持不下，基於政治、政策等考慮，內地投資者可能較傾向將海外資產轉換成人民幣，並投資A股市場，令人民幣持續轉強。