【FINTERVIEW】 拆解Tesla上季成績表(上)

【Now財經台】Tesla為「科技7雄」(Magnificent 7)業績打頭陣，集團第3季收入281億美元，創新高，整體毛利率18%，高過預期，但汽車業務毛利率低過市場預期，似乎同集團減價谷銷售策略有關，而月初推出嘅標準版Model 3及Model Y售價亦平過上一代，繼續犠牲毛利率係咪可取？

易方資本投資組合經理王逸研指，Tesla汽車業務毛利率下滑，除咗同減價戰、汽車愈賣愈平外，亦同美國政府削減電車製造商補貼有關。

佢又指，但都有好消息畀到市場，其中，馬斯克(Elon Musk)明確指出明年第2季，將會量產100萬部第3代Optimus機械人，相信毛利率未來有機會向上。