【期匯決算】Yen長線阻力睇140水平

【Now財經台】日本央行議息後維持息率0.5厘不變，並會喺明年4月開始放慢削減買債步伐，對日圓有咩影響？此外，日本首相石破茂同美國總統特朗普(Donald Trump)喺加拿大七大工業國(G7)會議會面，美日貿易協議有咩進展？

連連STAR FX總經理陳欣指，美日貿易協議係存在不確定性，所以要密切留意雙方傾成點，不過，就算雙方有共識都唔代表達成協議，尤其日本係一個高度依賴貿易嘅國家，當出現貿易磨擦時，對經濟影響會好大，唔容易用貨幣政策正常化或加息解決。

日圓方面，Chase指出，技術上有機會弱，或會考驗148水平，長線阻力可以睇140至142水平。