【名家給力場】王良享:美國有機會出現滯脹(上)

【Now財經台】美國聯儲局(Fed)一如預期維持利率不變，但上調咗失業率及通脹預測，據最新點陣圖(Dot Plot)顯示，估計今年唔減息嘅委員數目較3月時多咗4名，Fed嘅立場係咪偏鷹？點評估美國經濟前景？

臻享顧問董事總經理王良享指，今次整體點陣圖明顯偏鷹，3月議息會議時，美國總統特朗普(Donald Trump)未宣布對等關稅(Reciprocal Tariff)，市場唔會對通脹有好大抗拒，但依家Fed對美國經濟似乎信心大咗，對通脹壓力亦比3月時睇重咗。

Tommy估計，美國會出現滯脹，不過，因為特朗普逐步宣布對唔同國家或產品嘅關稅，又設有90日「冷靜期」，所以較難判斷通脹程度。失業率方面，佢指出，經濟唔好炒人係意料之內，但要睇咩行業，高科技行業會首當其衝，零售及服務業都會有一定壓力，但相信局方都會留意「冷靜期」過後，關稅水平及市民消費意欲情況如何，再決定下一步行動。