【期匯決算】美元下半年升極有限

【Now財經台】美國聯儲局維持利率不變，最新「點陣圖」(Dot Plot)預示今年仲有機會減息兩次，主席鮑威爾(Jerome Powell)「放鷹」，話唔急於減息，雖然中東緊張局勢推高能源價格，但預期影響唔會持久。美國減息嘆慢板，美匯指數一度重上99水平，再升空間有幾大？

亨達集團助理總經理羅明立指，雖然聯儲局口硬，但仍預期今年有機會減兩次息，值得留意係，委員對未來貨幣政策嘅分歧大，令聯儲局之後嘅利率決策有好大不確定性，未來亦要視乎關稅及環球局勢嘅發展。

佢又話，美國就業數據理想，但零售銷售、房屋數據表現一般，若關稅有進展，聯儲局有機會喺9月減息。Patrick估計，美元下半年上升空間唔大，美匯指數有機會回落至95，支持位就睇97水平。