【專家分析】以伊12日戰事結束後金融市場「真脫險」？

【Now財經台】6月中旬以伊爆發衝突以來，終於傳嚟好消息，美國總統特朗普(Donald Trump)今早(24日)宣布，以色列及伊朗已達成停火協議，意味為期12日嘅戰事結束，市場風險胃納應聲上升，美股期貨延續昨晚(23日)升勢，油價就急跌，美元及金價都回落，比特幣(Bitcoin)就企穩10萬美元，中東緊張局勢緩和，風險資產短線又點睇？

高富金融集團投資總監梁偉民指，油價大跌，股市亦趁勢反彈，意味市場對中東局勢嘅憂慮急降溫，不過，究竟伊朗係咪完全同意停火，以及停火條件係點，都要繼續密切留意事態發展。

Wyman又話，雖然油價下跌令聯儲局冇咁擔心，但關稅憂慮仍然持續，因為關稅會直接影響美國進口價格，同埋通脹風險，所以要等到7月初對等關稅(Reciprocal Tariffs)90日「冷靜期」完結後，特朗普會點應對，先可以判斷到聯儲局嘅減息取向。