【專家分析】抽IPO資金點影響港匯？

【Now財經台】港匯再觸及弱方保證，金融管理局唔夠一星期又再度入市，今早(2日)承接200億港元沽盤，其實港美息差大，喺聯匯制度下都預咗會引發套息交易，令港匯觸及7.85嘅弱方兌換保證，金管局都要再出手，但呢個情況喺半年結後明顯加劇，拆息係咪會大幅抽升？

潤淼資產管理董事盧志威指，拆息走向係由市場決定，因為受資金進出影響，其中1個因素可能係郁到好多錢嘅股息結算，另1個因素可能係之前要預備半年前嘅首次公開招股(IPO)。

William續指，今年IPO集資金額大，有一批資金入嚟抽IPO，但其實抽IPO都有季節性，通常喺半年及全年尾段最旺。

佢補充，關鍵係港元流出量有幾大，雖然依家仲有新股排隊招股，但如果預備IPO嘅因素消退，就會影響資金流。