【期匯決算】日圓暫難見148.5至149

【Now財經台】日本財務省今日(28日)拍賣2年期國債，需求係2009年以來最細。此外，有外資認為，日本長債有吸引力，點睇日圓及日本債息走向？

亨達集團助理總經理羅明立指，匯市仍處於悶局，不論非美貨幣還是美元都突破唔到近期嘅區間，佢估計，美元有下行風險，但唔會喺短期內一下子大跌，要留意美匯指數守唔守得住96.5水平，並喺98.5至99水平有較大阻力。

日圓方面，Patrick認為，市場對日本央行未來幾個月加息嘅預期偏高，估計日圓未必咁易上返148.5至149，加上債息有機會再升，依家10年期嘅債息升上1.6厘以上，30年期更達3.2厘，若日央行仍有機會加息，債券拍賣反應短期都唔會太理想。