【名家給力場】美通脹年底有機升穿3.1%

【Now財經台】美國聯儲局啟動今年首次減息外，局方亦上調今、明兩年美國經濟增長預測至1.6%及1.8%，不過，市場仍擔心關稅會推高通脹，甚至憂慮經濟會陷入衰退，到底通脹問題暫時浮現咗幾多？聯儲局係咪睇得太樂觀？

臻享顧問董事總經理王良享指，自美國總統特朗普(Donald Trump)宣布向全球加徵關稅後，美國通脹率只係輕微上升，現時大部分相關成本都係入口商「啃晒」，若入口商加價，消費者可能要承擔20%成本，佢估計，美國通脹年底好大機會高過聯儲局預期嘅3.1%。

Tommy又話，依家長息反彈，10年期債息升至4.1厘，未來要留意美國財長貝森特(Scott Bessent)及白宮經濟顧問委員會主席米蘭(Stephen Miran)對聯儲局嘅影響，因為兩人都認為要壓低長息，所以有可能會提出提早結束減少買債。佢續指，若就業數據錄得負增長，或失業率大幅飆升，到時有可能重啟量化寬鬆(QE)，而長期利率向下將有助政府控制利息支出。