【FINTERVIEW】晶片股快見頂回落？(下)

【Now財經台】港股昨日(2日)喺10月首個交易日大升，恒生指數飆逾400點，衝破27000關，再創4年高位，科技指數亦大升逾3%，雖然大市今日(3日)回調，但整體走勢仍然強勁，尤其係科技股，有投資者開始對中資科技股有FOMO(錯失恐懼症)，驚對爆升股走漏眼，所以跟風入市，投資者應該點部署？

金馬資本交易策略師蘇沛豐表示，現時中資科技股FOMO情況唔算明顯，主要係阿里巴巴(09988)仍升得勁，加上騰訊控股(00700)繼續企喺高位，不過，相對細隻啲嘅科技股如美團(03690)，股價仍然喺底位徘徊，估計未來會有資金流入，包括加倉中國龍頭科技股嘅外資。佢又認為，要當較落後又相對細隻嘅股份都開始急升，先至算係FOMO，到時股市回調風險會較高，投資者就要小心。

Daniel又話，晶片股9月初開始受惠於內地支持自主研發，唔再依賴美國晶片嘅消息而大升，但呢類靠國策炒上嘅股份，一段時間後會調整，佢相信好快會見頂回落。