【名家給力場】陳建良:今季睇好Bitcoin以外虛擬資產(上)

【Now財經台】虛擬貨幣8月中破頂後，靜咗個幾月，近期價格自低位反彈，比特幣(Bitcoin)價格昨日(2日)重上12萬美元，以太幣(Ethereum)亦上返4.4萬美元。Bitcoin一直有「4年周期」呢個説法，即每隔4年發行量就會減少，改變供需平衡，繼而推高Bitcoin價格，對上一次「減半」係去年4月，Bitcoin依家處於周期咩位置，投資者可以點部署？

勝利證券首席顧問陳建良表示指，依家市場準備迎接Bitcoin熊市，因為Bitcoin「減半」後，一般會再升十幾個月，然後就會見頂回調，進入「寒冬期」，估計價格會大跌60%至70%，甚至更多，如果相信「4年周期」就應該減持。

KL又話，依家全球唔少國家已接受Bitcoin作為儲備貨幣，其他幣種如以太幣等亦有不同作用，又指依家機構投資者對虛擬資產嘅投入比例仍然好低，但相信去美元化會帶動需求，所以佢睇好今季Bitcoin以外嘅虛擬資產表現。