【專家分析】滙控私有恒生成事機會高？

【Now財經台】滙豐控股(00005)建議私有化恒生銀行(00011)，每股作價155元，較昨日(8日)收市價119元，有約30%溢價，按私有價計，恒生市帳率(PB)1.8倍，現時行業PB中位數僅約0.4倍，反映滙控出手非常闊綽，但30%溢價對呢家本地老字號銀行嘅小股東嚟講吸唔吸引？點睇今次私有化？

東亞證券高級投資策略師陳偉聰指，作價相當進取，始終過去幾年銀行業面對唔少挑戰，加上恒生股價過去幾年都比較低迷，私有化後恒生PB達1.8倍，本地銀行好難做到呢個水平，因此，出價算相當吸引，議案通過嘅機會都較大。

Jason又話，唔會對滙控未來喺香港嘅發展睇得太負面，若恒生解決唔到壞帳問題，一旦違約滙控都可能要出手，雖然滙豐銀行同恒生同系，但或多或少會互相競爭，私有化後資源分配可以做得更好，不過，由於出價太高，今次私有化要動用過千億元，市場原本預期滙控會回購股份，依家可能未必做到，所以短期會對滙控股價有負面影響。