【專家分析】「雙11」氣氛炒唔起購物平台股

【Now財經台】阿里巴巴(01810)旗下淘寶、天貓嘅「雙11」活動今晚(15日)正式啟動，京東集團(09618)更喺上周四(9日)搶閘展開，點睇今年「雙11」？會唔會趁機谷高公司收入及盈利？

元宇證券基金投資總監林嘉麒估計，今年相關電商公司應該冇實際數字畀市場，只知可能再創新高，因為國家政策方面唔鼓勵行業「內捲」，唔鼓勵商家畀太多消費券，造成惡性競爭，所以就算阿里及京東有派消費券，最後派幾多，甚至合總商品交易額(GMV)嘅實際數字，公司都唔會刻意披露，相信要過埋第4季，等到全年業績先知。

KK續指，「雙11購物節」一年比一年早開波，投資者已習以為常，加上呢啲公司又唔可以刻意披露數據，單靠氣氛應該炒唔起購物平台股，所以喺呢段時間內，股價未必會有太大反應。