【專家分析】台積電願意「揼本」係好事

【Now財經台】台積電(TSMC)今日(16日)交咗一份靚季績，第3季利潤創新高，毛利率59.5%，集團台股一度破頂，高見1495新台幣。此外，集團上調全年收入增長預測至逾35%，不過，資本開支亦唔少，預期全年介乎400億至420億美元，雖然增長強勁，但高開支會唔會係一個隱憂？

耀才證券研究部總監植耀輝指，台積電嘅產品需求大，而人工智能(AI)熱潮令需求火上加油，依家產業仍處於供不應求嘅狀態，加上公司準備量產2納米製程，繼高雄之後，集團將會開設更多本地及海外廠房，因此，資本開支上升係配合公司發展，所以係無可避免。

Stanley又話，台積電資本開支大增亦反映對行業前景睇法相當正面，而台積電作風一向保守，相信公司係因為定單有保證，又睇好前景先會咁揼本。