【名家給力場】關焯照:美股業績期有貨宜減磅

【Now財經台】美國兩間地區性銀行Zions Bancorp(齊昂銀行)及Western Aliance Bancorp(西聯銀行)披露咗涉及欺詐、壞帳嘅貸款問題，需進行大額撥備，令市場擔心地區銀行爆煲危機再現，加上中美緊張關係，又憂慮科技股估值過高，以及市寬唔夠闊，升勢愈嚟愈集中，美股今季表現係咪要睇得審慎啲？

冠域商業及經濟研究中心主任關焯照指，唔會改變標指年底見6800點嘅目標，依家市場由人工智能(AI)革命主導，加上普遍大型銀行第3季業績相當理想，只係依家美國銀行股股價炒得太高，業績期撞正地區性銀行嘅問題，正好係價格回調嘅契機，但業績期有價格波動嘅風險，投資者宜酌量減磅。

關博士又指，市寬唔係影響市況嘅因素，市值較高嘅公司都係做AI相關工作，持有資金亦比較多，股價升時自然會帶動市場。