【期匯決算】貿戰下大豆價格難有轉機？

【Now財經台】大豆價格本周變動唔大，但中國5月起已冇買美國大豆，轉為向巴西、阿根廷入貨，美國總統特朗普(Donald Trump)指，考慮停買用嚟製造生物燃料嘅中國廢棄食用油UCO，每年9月至11月係美國大豆收成季節，喺中美貿易戰下，美國大豆或會滯銷，會唔會令大豆期貨價格受壓？

獨立外匯商品分析師盧楚仁指，近期大豆及豆油價格上升，係因為特朗普呼籲美國轉用大豆製造「大豆油」，取代由中國輸入嘅食用油，繼而提高大豆需求，雖然呢個舉動令行情好轉，但如果中國真係唔買美國大豆，即使近期大豆價格反彈，之後都會再轉弱，相反，如果中國重新購買大豆，美國大豆價格就會回升轉機。