【名家給力場】4新股硬撼 三一重工睇高一線

【Now財經台】新股市場持續暢旺，今日(20日)有4隻新股硬撼，同日開始招股，分別係三一重工(06031)、滴普科技(01384)、八馬茶業(06980)及劍橋科技(06166)，值得留意係，投資者近期似乎較關注新股公開發售比例，多過留意公司業務狀況，點解會出現呢種情況？

《香港股票財技密碼》作者梁杰文認為，新股機制改後，上市採用機制B，即公開發售初始比例定喺10%，兼不設回撥，令額認購問題變得非常誇張，散戶因為留意到喺呢個機制下，幾乎每隻新股首掛都大幅炒上，所以傾向關注招股機制，而唔再著重分析公司，再決定抽唔抽某隻新股。

至於今日撞期招股嘅4隻股份中，Mike較睇好三一重工，雖然集團A+H股上市，估計股價短期內升極有限，但由於公司基本面靚，係內地最大工程機械製造廠，又獲多個海外明星級基石投資者力撐，盈利表現理想，因此，認為三一重工可以睇高一線。