【專家分析】「反內捲」利內航股？

【Now財經台】內地3大中資航空股，中國國航(00753)、東方航空(00670)及南方航空(01055)今日(20日)跑嬴大市，信達證券指，國內航線唔計油費嘅平均票價由跌轉升，中金就指出，內航票價基本上保持按年增長，航空股表現強勢係咪歸功於「反內捲」政策見效？

博威環球證券金融首席分析師聶振邦認為，「捲」係內地整體交通網絡，唔係單一嘅同業競爭，內航嘅「反內捲」情況，更多係同內陸交通競爭，例如高鐵及火車。佢認為，當機票價格競爭力較其他交通工具弱，就會影響航空業競爭力，變相行業提及「反內捲」時會對改善利潤率有憧憬。

聶Sir又認為，長途線利潤率較內陸線高，雖然美國反對中國客機沿俄羅斯直飛至美國，航程繞道會令成本失預算，但近日石油價格下跌，可減低燃油成本問題，因此，相內地航空業未來幾個月嘅表現會有改善。