【專家分析】Apple股價再升5%見頂？

【Now財經台】美國政府停擺有望本周結束，美股3大指數昨晚(20日)高收，而「科技7雄」(Magnificent 7)中，終於輪到蘋果公司(Apple Inc.)破頂，據Counterpoint Research數據顯示，iPhone 17系列喺內地及美國首10日銷量，按年增長14%，Apple股價破頂外，集團市值亦升至3.89萬億美元，踢走微軟(Microsoft)成為美國市值No.2企業，Apple股價係咪可以繼續上？

高富金融集團投資總監梁偉民指，由於iPhone 17銷量好過之前兩代，股價短期有支持係合理，但值得留意係，Apple股價8月至今已累升20%，但今年以來只有單位數升幅。

Wyman又話，Apple股價主要受2個因素影響，首先係人工智能(AI)發展仍令市場失望，未消費者冇換機意欲，其次係公司估值喺科技股嚟講唔算好貴，但逾30倍市盈率(PE)亦唔算特別平，佢預期，Apple股價短線仍有3%至5%上望空間，但要追落後就有一定難度。