【槓桿致勝】恒指牛熊證應點擺位？

【Now財經台】恒生指數今早(21日)高開逾300點，收復10天、50天線，好淡倉資金方面，好倉昨日(20日)流出9600萬元，5日合計有約1.2億元坐貨，淡倉轉為流入，5日合計仲有4700萬元資金離場。此外，牛證重貨區為25100點，亦係最多人加倉嘅位置，熊證重貨區連續5日都喺26600點，亦係最多人加倉嘅位置。大市重上返26000點關口，後市應該點部署？

胤源世創家族辦公室(香港)第一副總裁黃偉豪指，依家大市整體強返啲，但同時波動都大咗，最主要睇返投資者係做即市部署定過夜部署，如果係即市部署，收回價揀貼價少少都唔係問題，但過夜最好揀返距離800點至1000點會好啲，免卻即時收回嘅風險，佢建議，向上睇收回價可以揀27000點過外，向下睇想博反彈建議25300點至25400點會較合適。