【專家分析】寒冬重臨！炒天然氣股一定揀...

【Now財經台】今年喺拉尼娜(La Nina)現象下將會有一個寒冷嘅冬天，令到可能係相隔5年，天然氣再度出現短缺情況，寒冷天氣來臨係咪一定利好中國石油股份(00857)？摩根士丹利認為，中石油係天然氣股份首選。

信達國際研究部董事趙晞文指，每年天氣寒冷時，市場都會炒能源股，喺香港上市嘅天然氣公司一般都係做下游分銷，多年以來面對價格倒掛問題，令每立方米利潤被蠶食，加上受房地產市場影響，盈利能力一直受壓。

佢又話，中石油作為天然氣企業龍頭，除咗從海外進口，亦會自行生產天然氣，所以受氣價倒掛影響較小，加上集團有下游銷售網絡，可以「上下其手」，成本控制及營運效益逐步體現，尤其過去幾個季度，天然氣嘅每單位盈利逐步提升，所以值得睇好中石油。