【智識賺】Robotaxi真係救到Tesla？

【Now財經台】Tesla昨日(29日)正式喺美國得州奧斯汀試行無人駕駛的士Robotaxi，有網紅獲邀試坐，雖然有用戶大讚駕駛表現流暢，但好快又有出事片段流出，指Robotaxi會突然無故急煞車、超速及誤闖車道等。大行分析指，Robotaxi要成功有3大關鍵，包括證明鏡頭可靠、消費者放棄有私家車嘅概念、證明經營自動駕駛的士有錢賺，到底Robotaxi係咪好難成功？

易方資本投資組合經理王逸研指，試行嘅車輛數目及地區範圍細，做法比較保守，相信唔會急於擴展服務至其他地區，不過，試行嘅Robotaxi係用Tesla Model Y，車型貴，日後要揀返平價車型先可以降低造車成本，加上喺美國唔少人唔止有1部車，要佢哋減少自己揸車係有啲難度。

Isaac又話，大部分路面畫面都由鏡頭拍攝，如果Robotaxi會再改良，估計會加入聽覺功能，令Robotaxi更好應對路面情況，對乘客更有保障。