【FINTERVIEW】聯儲局7月減唔減到息要睇...(上)

【Now財經台】美國昨晚(2日)出咗俗稱「小非農」嘅ADP私人企業就業職位，爆冷減少3.3萬個，遠遜市場預期，據最新利率期貨顯示，聯儲局7月減息機會升至25%，9月就維持逾90%以上，美國減息機會係咪愈來愈大？

工銀亞洲金融市場部高級經濟師程嘉偉指，7月會唔會減息仍存在不確定性，將取決於7月9日關稅暫緩期「死線」前，有邊啲國家同美國達成貿易協議。佢又話，美國總統特朗普(Donald Trump)最新公布已經同越南傾掂數，但最新貿易協議仍維持高達20%嘅關稅，呢個都會阻礙聯儲局中長線減息幅度。

Gary又指，若美國通脹維持喺2.3%至2.4%，聯儲局有約1厘減息空間，佢估計，若每次減息0.25厘，意味局方最少會減息4次。