【息賺】有派息黃金ETF買唔買得過？

【Now財經台】金價之前不斷破頂，今輪升浪已引起不少投資者關注，但買金就冇息收，但市場有標榜有派息嘅黃金交易所買賣基金(ETF)，呢啲ETF點操作？所謂派息又係咩一回事？

獨立市場策略師何啟聰指，呢啲產品有息派係因為Covered Call策略，即買咗相關資產後再沽期權，黃金相關ETF有唔同類型，但通常都唔係純黃金，會溝啲金礦股，因為金礦股嘅波幅較大，期權金收益會高啲，整體來講可以拉高Covered Call ETF嘅收益。

Ivan指，純黃金Covered Call ETF期權金收益唔高，對比今年黃金升幅其實係跑輸嘅，因為黃金嘅期權嘅引申波幅水平較低，仍然有投資者買，係因為佢地見有息收想試玩，但面對今年黃金持續上行嘅市況，購買純黃金Covered Call ETF，其實等於封鎖咗個人上行收益，整體來講喺蝕底咗，因此，如果投資者睇好金價，不妨直接購買黃金及冇上行封鎖嘅產品。

佢又話，如真係有興趣購買Covered Call ETF，買黃金加金礦股嘅較好，因為當金礦股有下行時，可以幫投資者擋到某啲月份嘅回套。