【期匯決算】金價整固後再升過？

【Now財經台】貴金屬昨日(21日)終於出現深度調整，其中，金價錄得12年以來最大跌幅，但今日(22日)又反彈，企穩每盎司4100美元，現貨金價今年累升約56%，後市會點走？

東亞銀行財富管理部高級投資策略師黃燕娥指，沽金浪潮係源於金價已累積好大升幅，投資者獲利回套，但呢輪沽壓唔會影響金價中長線走勢。

佢提醒，投資者要留意利好因素有冇出現變化，例如美國聯儲局係咪持續減息、地緣政治風險等，呢啲因素都會影響黃金需求，短線嚟講，喺沽售浪潮及整固後，金價有望持續上衝。