【專家分析】美越傾掂關稅利創科實業股價

【Now財經台】電動工具設備股創科實業(00669)有35%生產線搬咗去越南，另有35%喺內地，美越關稅協議已經有定案，近日美國似乎又鬆綁對華出口限制，創科業務前景係咪會明朗返？不過，創科股價4月急挫後，5月至今已收復大部分失地，股價今日(3日)繼續有得升，一度升3%，高見90.2元，再向上空間大唔大？

耀才證券研究部總監植耀輝指，近年創科有約一半產品經越南運去美國，早前市場擔心關稅稅率嘅不確定性，所以對創科股價有較大影響。依家關稅政策有定案，投資氣氛有改善，對創科股價有正面影響。

Stanley又話，創科股價已經升咗一段時間，作為美國經濟顯示股，只要美國經濟及股市造好，創科股價都唔會差。