【Now財經台】京城機電股份(00187)股價今早(22日)大幅高開近15%後，一度高見4.8元，勁升23%，但其後升勢無以為繼，收市僅升逾5%，報4.11元，成交股數較過去100日同時段平均增2倍，全日成交金額1.79億元。
北京上周六(19日)舉行全球首個人形機器人半馬賽事，喺21支機械人隊伍中奪冠係天工Ultra，負責研發嘅北京人形機器人創新中心，係由幾家企業聯手組建，當中包括京城機電，持股比例近30%，其餘股東包括優必選(09880)、小米集團(01810)等，呢幾隻股份今日都有得升。
京城機電今日一升，已升穿保力加通道中軸，依家通道頂喺5.45元，要留意集團下周二(29日)公布首季業績，同埋喺機器人業務方面會唔會披露更多資料。
