【Now財經台】上美股份(02145)股價今日(24日)逆市向上，高開近2%後，愈升愈有，升幅一度擴大至逾11%，高見60.75元，再創新高，其後升勢回順，收市升逾7%，收報58.6元，成交股數較過去100日同時段平均增1倍，成交金額逾1.7億元。
上美主要喺內地從事化妝品及個人護理產品業務，公司早前宣布出資510萬人仔，跟幾家企業成立合資公司，再打造新化妝品牌，以進一步提升市場分額。
上美呢隻純內需股喺貿易戰開打以來，股價已自低位回升34%，今日更破頂，業績好之餘，市盈率(PE)亦唔算高，加上業務有進一步擴展空間，都值得避險資金繼續留意。
