【Now財經台】四環醫藥(00460)今日(19日)逆市大升，股價高開逾4%後，升幅一度擴大至逾22%，高見0.82元，成交股數較過去100日同時段大增逾30倍，暫時成交金額逾2.6億元。
公司上星期公布旗下軒竹生物自主研發嘅「軒悅寧」獲批註冊，消息刺激股價向上，不過，公司仍蝕緊錢，去年虧損擴大3倍至逾2億元，公司8月會派中期成績表，除咗本身嘅消息，依家有多隻藥廠股撞期招股，市場反應唔錯，或會利好醫藥股投資氣氛。
四環醫藥一向係北水愛股，今日喺大成交下一舉突破0.75元阻力，動力十足，但亦要留意短線有冇更多實質消息跟尾。
