【Now財經台】美國品牌Nike宣布6月1起，部分產品將會加價，為咗應對關稅帶嚟嘅額外成本，唔少體育用品品牌都話會加價，加價潮對行業銷售有幾大影響？港股嘅體育用品股應該點揀？
南華金融集團副總裁莫灝楠指，除咗關稅影響，體育用品股亦面對毛利壓力，行業競爭本來已經好大，加上有唔少新品牌例如On，為應對關稅影響齊齊加價，但對整體銷售影響唔大，但各品牌嘅業績未來會愈來愈分化。
Casper又話，Amer Sports首季業績強勁利好安踏體育(02020)，如果想做長線部署，想揸耐少少可以揀安踏，但要留意內地消費降級及經濟問題，如果短線想追增長可以直接買Amer Sports。
