【Now財經台】順豐同城(09699)股價今早(28日)高開逾2%後，升幅一度擴大至近10%，高見13.18元，衝上1年高位，成交股數較過去100日同時段增約8倍，暫時成交金額逾1億元。
順豐集團跟上海迪士尼度假區結盟，成為快遞及物流嘅官方合作伙伴，消息亦帶動旗下順豐同城股價，可能係憧憬可以受惠於母企呢單合作。
滙豐證券指，順豐同城股價去年12月至今，一直跑輸大市，市場似乎低估咗集團收入增長動力，現時估值較美國同業平，有一定吸引力。
順豐同城今日借消息突破2022年底以來大型上落格局，後市要留意會唔會仲有一啲較實質消息，支持股價進一步向上，但相對強弱指數(RSI)已升至70以上嘅超買水平，投資者要留意回調壓力。
