【Now財經台】截至早上11時止，過去1小時內《彭博》搜尋量最多港股，依次為新世界發展(00017)、龍湖集團(00960)、快手(01024)、蜜雪集團(02097)及康方生物(09926)。
新世界上周五(5月30日)宣布4隻永續債延遲派息，未償還金額248億元，不過，據報唔構成違約，但會令下次須支付嘅利息多咗，會唔會進一步影響市場信心？
富昌證券聯席董事譚朗蔚指，之前本港銀行同業拆息(HIBOR)下跌，令多隻本地地產股股價反彈，但新世界因為債務問題股價未有顯著反彈，反映市場信心仍然低迷。
Stevan又指，由於之前新世界仍未傾掂銀團貸款，導致債券利息要延遲支付，一定影響市場信心，事實上，股價係反映一切，提醒投資需必須審慎，現階段宜先觀望。
