【now.com.財經】曾經畀人話同周大福(01929)及六福集團(00590)撞名，內地珠寶商周六福(06168)，今日(18日)開始招股，招股價24元，集資逾11億元，每手100股，入場費約2424元，下周一(23日)截飛，今次IPO有深圳市羅湖投資、靈寶黃金(03330)等做基石投資者。
集團其實曾經兩度申請喺A股上市，第1次喺2019年，最後未獲批准，2022年捲土重來，但呢一次最終係公司主動撤回申請。
喺周六褔招股前夕，「撞名」嘅六福昨晚(17日)發盈警，預告全年少賺約40%，六福股價今日全日受壓，失守20元關口，一度低見19.88元，挫3.4%，其後股價繼續喺低位徘徊。
兩家公司係同行，呢個盈警唔知算唔算係一盤小小嘅冷水，令投資者對行業前景睇法更審慎，可能入飛時要「停一停，諗一諗」，始終近期新股市場好熱鬧，投資者選擇真係唔少。
