【股市脈搏】春江鴨出動逆市炒起美中嘉和？

【Now財經台】美中嘉和(02453)股價今日(19日)逆市升，輕微高開後，一度大升13%，高見7.91元，成交金額逾2.3億元，成交股數較過去100日大增多出10倍。

集團喺內地做放療及影像診斷設備租賃及買賣，亦有向醫院提供管理及技術服務，依家仍然蝕緊錢，去年蝕逾4億人仔，收入就大跌30%。

美中嘉和業務前景暫時唔明朗，但股份今日價量齊升，可能預示業務未來有正面消息，當日低位接貨嘅承配人，依家帳面已獲利唔少，但亦要留意呢批配售股份嘅90日禁售期，9月初就會屆滿。