【Now財經台】北水一向追捧科技股，亦曾轉戰生物醫藥股，不過，北水已連續17個交易日淨買入高息股，係咪科技板塊已「失寵」？高息股應該點揀？
華夏基金(香港)業務拓展部高級經理李星宇指，高息板塊包括內銀股、煤炭股及電訊股，內銀股喺過去半年持續淨流入，內銀股中，建設銀行(00939)息率最高，息率高達5.72%，吸引資金持續流入，資金對高息股嘅忠誠度比科技股及生物醫藥股高。
Chris又話，現時地緣政治緊張，資源價格對煤炭股影響大，所以資金有入有出。另一方面，電訊股就算股價升，都唔會增加派息。電訊股除咗有高息概念外，仲有雲端概念，例如中國移動(00941)及中國聯通(00762)會為內地國企公司提供雲端服務，早前受DeepSeek熱潮及高息概念帶動，電訊股造好。不過，DeepSeek熱潮開始冷卻，主題焦點就回歸內銀股。
