【Now財經台】截至早上11時止，1小時內《彭博》搜尋量最多港股，依次為新鴻基地產(00016)、京東物流(02618)、恒隆地產(00101)、金沙中國(01928)、小米集團(01810)。
本地地產股今早(25日)向好，其中，新地股價一度升4.7%，高見94.25元，集團最近出咗屯門新盤最後一期價單，售價較之前平咗，點解股價仍有得升？
資深證券分析師彭偉新指，主要係港股市況好轉，本港銀行同業拆息(HIBOR)低企，投資者憧憬本地地產股見底，加上估值平，息率又吸引，所以受唔少短線投資者追捧。
Castor又話，對地產商嚟講，最重要係提升變現能力，依家有資金流入有助改善現金流，雖然二手市場持續淡淨，但新盤銷售回復動力，趁機盡快還債，降低負債比率。
