【Now財經台】近日市場熱炒虛擬資產、穩定幣交易商概念股，國泰君安國際(01788)、勝利證券(08540)等呢幾日一度喪炒，市場對呢個現象有唔同猜測，有指同憧憬「7‧1」、穩定幣等有關，投資者應該點做部署？
博威環球證券金融首席分析師聶振邦指，恒生指數最近突破24000關，有機會出現單邊升市，估計科技股會有資金流入，而大市成交增加，主要係有大量內地散戶買港股，而散戶投資操作好多時受消息影響，即使消息未經核實已廣泛流傳，吸引資金入場，當證實消息並非屬實時，資金就即時離場，因此，預期港股近期會持續出現異動，投資者視乎情況做即日操作會更穩陣，暫時長揸股票風險較大。
