【now.com財經】應該今日都會有唔少人放假，事關放呢一日連埋之前周末同聽日嘅紅日，就可以自制五日嘅長假期，去一個短線旅行。
今日恒指都只係低開9點，報24,274點，好似放咗假咁，但甫開市向下飛撲一度跌近百點就真係醒一醒，作戰室即時追出淡倉作為今日嘅第一注。
不過今朝指數走勢都比較Chok。喺五分鐘上見指數出嘅燭比較大支，同時亦梅花間竹咁出陽燭同陰燭，坐唔定嘅都係盞死。
指數難玩又走去睇下有無個股啱玩，搵到一隻都有一段時間無留意嘅係滙控(00005)，雖然小時圖見保加通道數目前仍然有見收窄，但Slow STC(14.3)觸底上咗，即係觸底上行嘅Swing 仲有條條出現，依家仲有5分鐘先至10點，稍等嘅係股價能唔能夠喺10點之後確認走返上中軸，甚至係10線之上。
拉線借返上個星期五嘅低94.5元嘅話，同保歷加底線94.326元差唔多，滙豐牛(56652)，收回價89元，低過上文mark住嘅位之餘，退後少少Set 90蚊做下方量度線都可以，槓桿有約15.4倍，Day Trade only。
我諗到你睇完文都應該10點幾，到時如果爬得到上中軸嘅話，小注即日出動試下Slow STC(14.3)上唔上得返超買位。
稍後嘅【輪證下半Part】將會喺7月開始暫停一下，變相一陣嗰隻係暫時嘅「最後一隻」；攰，抖下先。
作者阿珊，以技術分析專心玩輪證，唔貪心，努力賺取我家肥貓罐罐。
直接去Patreon七日免費試用即市作戰教室：https://www.patreon.com/join/cbbcwar
