【now.com財經】小米集團(01810)旗下第1部SUV YU7開售後，定單接唔停，原來小鵬汽車(09868)董事長何小鵬都係YU7準車主，佢訂咗一部鈦金屬色嘅YU7 Pro。
何小鵬喺社媒發文，話「我認為YU7成功核心係競爭力好強，所以當晚都下訂咗YU7，依家靜候雷總(小米創辦人雷軍)早啲交車畀我。」，佢都不忘記幫自己公司宣傳下，向大家發咗個「溫馨提示」，就係小鵬G7會喺今個星期四(7月3日)發布。
之後雷軍都回應咗何小鵬嘅「訴求」(早啲交車)，佢話「謝謝小鵬嘅支持，我哋一定會加速生產，力爭早啲交車，小鵬G7周四發布，預祝佢嘅發布會成功。」目前，小米YU7 ProPro交付時間約48周至51周，即係最快都要等差不多成年。
小鵬股價今日(30日)反覆向下，最新報71.05元，跌1%。
小米股價就反覆向上，最新報59.95元，升1.6%。
