【Now財經台】受一系列演唱會帶動，澳門6月賭收逾210億澳門元，按年增長19%，更帶動賭股今日(2日)全線高開，其中，銀河娛樂(00027)裂口高開9%後，升幅一度輕微擴大，高見38.05元，今朝多唔多好友食糊？點部署先最值博？
中銀國際證券衍生產品部董事朱紅指，受賭收數據帶動，加上演唱會吸引遊客去澳門，賭股最近走勢的確唔錯，而早前部署銀娛好倉嘅投資者，今日都有獲利離場嘅跡象，始終升幅吸引及顯著。
Niki續指，亦有投資者換馬，早前買咗較貼價，約37元至38元行使價，依家就換馬行使價高少少嘅CALL，例如行使價46元，約10月到期，槓桿7倍。
