【Now財經台】藥房股思派健康(00314)股價今早(2日)高開逾14%，開市報5.3元，已見咗暫時低位，其後升幅一度擴大至逾49%，高見6.93元，成交股數較過去100日平均大增36倍，成交金額亦好誇張，暫時逾12億元。
雖然思派嘅核心業務係藥房，賣癌症藥等特殊藥，但分部業績都唔太好，收入及盈利都跌緊，反而業務佔比最細嘅保險業務增長最顯著，加上6月喺拍住全球第3大保險經紀安睿嘉爾進軍內地市場之後，公司前景就更有憧憬。
睇返技術走勢，雖然思派今日大升，但同2022年上市價18.6元比較，依家仍「潛水」逾60%，雖然大股東係騰訊控股(00700)，依家持股27%，但股價係咪可以翻身都要繼續觀察。
