【Now財經台】美國今晚(3日)非農就業數據出爐前，金價未有明確方向，現貨金價企喺每盎司3300美元樓上，已連升3日，就業數據公布前，金市觀望氣氛濃厚，有冇力突破橫行區間？
1uptick Analytics首席分析師杜浩霆指，今個星期金市焦點一直係下周三(9日)關稅暫緩期結束，美國總統特朗普(Donald Trump)周二(1日)聲稱要向日本貨品徵收35%關稅，去到昨晚(2日)美國同越南傾掂數，黃金先有明顯沽盤。
Perry又指，下周三前金市避險情緒仍會偏高，而關稅消息會繼續主導市場，佢又提醒，未來美國同任何國家達成關稅協議，黃金都會出現沽盤出。Perry又話，如果今晚公布嘅非農數據差，金價有可能升上3400美元水平，佢估計，金價短線會喺3400美元水平高位震盪。
