【Now財經台】盈警股珠江船務(00560)，今朝(14日)低開近10%後，跌幅一度擴大至逾10%，低見0.76元，其後跌幅略為收窄，成交股數較過去100日平均大增16倍，成交金額逾300萬元。
公司上周五(11日)收市後發盈警，預告中期最多少賺70%，其實集團過去幾年係發盈喜居多，其中，去年分部盈利大升逾90%，但受關稅嘅衝擊，今次中期業績都要「投降」。
睇返技術走勢，近半年股價都係呈區間上落格局，6月底跟隨香港中旅(00308)異動爆上，今日落返去區間中間位置，要觀望區間下方可唔可以搵到支持。
