【Now財經台】近期多咗資金追捧收息股，不過，高息股係咪真係穩賺不賠？投資者有咩要注意？
獨立市場策略師何啟聰指，以前市場追高息股唔會好理業績，基本上淨係睇息率，不過，近期開始有高息股發盈警，例如中國石油化工股份(00386)，預告今年上半年少賺最多43%，如果只睇息率，中石化仍然係好高息，但公司發咗盈警，就算最終派息比率keep到，實際上股息都可能都會少咗，假設公司發完盈警，而投資者早喺去年12月已買入中石化，揸到今日，成個升幅已蒸發咗，變相賺息蝕價，甚至冇得賺。
Ivan續指，如果想避開或少啲踩中呢啲「地雷」，可以考慮買高息股交易所買賣基金(ETF)。
