【Now財經台】閱文集團(00772)出完業績後，股價今日(13日)急升，一度飆逾19%，高見37.28元，集團上半年多賺69%，但收入按年跌24%，盈利主要靠成本控制及其他收益帶動，點睇呢份業績？後市應該點部署？
紅蟻資本投資總監李澤銘指，閱文業績幾條大數都係預期之內，收入小幅下跌，成本下降主要係自有產品銷售佔比高咗少少，而經騰訊控股(00700)嘅產品銷售渠道又少咗，令利潤有所增加。
Alan又話，閱文同人工智能(AI)概念股擦到少少邊，所以可以受惠市場炒AI概念股熱潮，雖然股價短線炒上，但可唔可以持續仍然係未知之數，建議有貨可以繼續揸，但就唔建議現價再追入，因為風險都幾大。
