【Now財經台】雲鋒金融(00376)股價今早(2日)大幅高開近15%後，買盤即時湧入，升幅一度擴大至19%，高見3.99元，成交股數較過去100日同時段成交增3倍，暫時成交金額逾2億元。
集團昨日(1日)收市後公布，跟螞蟻集團(06688)旗下「螞蟻數科」達成戰略合作，會在嚴格遵循合規框架，重視安全性嘅前提下，跟「螞蟻數科」透過名為「Pharos」嘅高性能公鏈平台，聯手合規拓展RWA代幣化及下一代互聯網Web3等領域。
雲鋒金融喺通告提及，今次合作可帶來協同效應，為雙方創造新增長空間，又話會強化集團喺數字金融領域嘅布局，亦可以協助螞蟻數科深化區塊鏈技術應用，但冇披露詳情。
雲鋒金融今日一升，已升穿所有主要移動平均線，依家喺5月初開始引伸出嚟嘅上升通道，初步上望通道頂，即6元水平。
