【Now財經台】截至早上11時止，1小時內《彭博》搜尋量最多港股，依次為平安好醫生(01833)、恒基地產(00012)、中升控股(00881)、江西銅業股份(00358)及石藥集團(01093)。
汽車經銷商股(4S股)連日強勁，中升繼昨日(2日)抽高後，今早(3日)一度再飆逾11%，高見18.73元，其後升幅收窄，技術上更出現避雷針，中升後市點睇？近期汽車經銷商經營有明顯改善，加上車廠承諾縮短拖數日，而比亞迪股份(01211)昨日公布入股和諧汽車(03836)旗下海外經銷業務，經銷商生意係咪迎來復甦？
光大證券國際證券策略師伍禮賢指，睇返中升技術走勢，已出現上影線，意味短線向上動力減弱，隨時會出現短期調整。此外，車企拖數日縮短，有利公司資金周轉等，相信呢個因素對股價嘅幫助係中長期。
Kenny又預期，今輪升浪過後，汽車4S股長期向上趨勢仍未變，但佢提醒，包括中升在內嘅汽車4S股，近日股價升得太急，建議等股價回落再部署。
